សេចក្តីជូនដំណឹងរបស់រដ្ឋបាលរាជធានីភ្នំពេញស្តីពីការបម្រើសេវាដឹកជញ្ជូនសាធារណៈដោយមិនបង់ប្រាក់សម្រាប់ឱកាសបុណ្យភ្ជុំបិណ្ឌ
នៅថ្ងៃទី ០៣ ខែតុលា ឆ្នាំ២០១៨ រដ្ឋបាលរាជធានីភ្នំពេញ បានចេញផ្សាយសេចក្ដីជូនដំណឹងដល់សាធារណជនទាំងអស់ឱ្យបានជ្រាបថា ដើម្បីសម្រួលដល់ការចំនាយក្នុងការធ្វើដំណើររបស់មន្ត្រីរាជការ កងកំលាំងប្រដាប់អាវុធ ប្រជាពលរដ្ឋ កម្មករ កម្មការនីទាំងអស់ ដើម្បីទៅជួបជុំគ្រួសារក្នុងឱកាសបុណ្យភ្ជុំបិណ្ឌ រដ្ឋបាលរាជធានីភ្នំពេញ នឹងរៀបចំរថយន្តក្រុងចំនួន ២១៥ គ្រឿង សម្រាប់បម្រើសេវាដឹកជញ្ជូនសាធារណៈដោយមិនបង់ប្រាក់។
- សម្រាប់ប្រជាពលរដ្ឋនៅរាជធានីភ្នំពេញ៖ រដ្ឋបាលរាជធានី ប្រើប្រាស់រថយន្តក្រុង ៩៥ គ្រឿង រយៈពេល ០៣ ថ្ងៃ ពីថ្ងៃទី ០៨ ដល់ថ្ងៃទី ១០ ខែតុលា ឆ្នាំ២០១៨។
- សម្រាប់ប្រជាពលរដ្ឋនៅតាមបណ្តាខេត្ត៖ រដ្ឋបាលរាជធានីភ្នំពេញ បានរៀបចំរថយន្តក្រុង ១២០ គ្រឿង សម្រាប់ដឹកពីរាជធានីភ្នំពេញ ទៅតាមបណ្តាខេត្ត និងពីបណ្តាខេត្តមករាជធានីភ្នំពេញរយៈពេល ០៦ ថ្ងៃ ចាប់ពីថ្ងៃទី ០៦ ដល់ថ្ងៃទី ១១ ខែតុលា ឆ្នាំ២០១៨ ដោយចេញដំណើរពីម៉ោង ០៥:៣០ ព្រឹក។
រដ្ឋបាលរាជធានីភ្នំពេញ
